LANDSSAMTÖK
LÍFEYRISSJÓÐA “
Nefndasvið Alþingis
Efnahags- og viðskiptanefnd
Sent í umsagnargátt Alþings og á netfangið: umsagnir@althingi.is
ReykjavÍk, 23. apríl 2024
Efni: Umsögn Landssamtaka lífeyrissjóða um frumvarp til laga um breytingu á lögum um
tekjuskatt, nr. 90/2003 (barnabætur, sérstakur vaxtastuðningur) 918. mál
Landssamtök lífeyrissjóða (LL) vilja koma að ábendingum um ofangreint mál sem einkum varða flókin
útfærsluatriði. Fulltrúar fjármála- og efnahagsráðuneytisins héldu fund með fulltrúum lánveitenda
þann 5. apríl sl. þar sem kynnt voru áform stjórnvalda um að leggja fram frumvarp um sérstakan
vaxtastuðning. Á þeim fundi komu fram talsverðar ábendingar er viðkoma því flækjustigi og
villuhættu sem ætluð framkvæmd við greiðslu umrædds vaxtastuðnings myndi fela Í sér.
Mælt hefur verið fyrir málinu á Alþingi og það sent m.a. LL til umsagnar þann 18. apríl sl. Helstu
ábendingar snúa að því að samkvæmt frumvarpinu er lagt upp með að Fjársýsla ríkisins greiði
sérstakar vaxtabætur til lánveitanda og beri honum að ráðstafa þeim inn á afborganir viðkomandi
láns, óski lántaki þess. Um er að ræða afar flókið ferli við greiðslu umræddra vaxtabóta sem einnig
kæmi til með að hafa í för með sér umtalsverðan kostnað og villuhættu ef af verður.
Nánar um einstakar athugasemdir:
• Ætla má að mun einfaldara væri í framkvæmd að greiða sérstakar vaxtabætur milliliðalaust,
þ.e. beint til lántaka eins og almennt er gert við greiðslu almennra vaxtabóta. Samkvæmt
frumvarpinu er gert ráð fyrir að nýta megi bæturnar til lækkunar á afborgunum sem mun að
sama skapi hækka ráðstöfunartekjur viðkomandi lántaka. Niðurstaðan væri því nánast hin
sama fyrir lántaka hvort heldur sem greitt er beint til hans eða greiðslur látnar ganga til
lánveitanda til lækkunar á afborgun láns óski lántaki þess.
• Standi ekki vilji til þess að greiða sérstakar vaxtabætur beint til lántaka þá væri mun einfaldara
í allri framkvæmd og villuhætta verulega minni ef greitt væri beint inn á höfuðstól lána.
• Verði það framkvæmdin að greiða beri inn á afborganir mánaðarlega er mikilvægt að
greiðslur frá Fjársýslunni nemi að hámarki afborgun viðkomandi mánaðar þar sem ekki fer
vel á því, eðli máls samkvæmt, að lánveitandi hafi fjármuni í sinni vörslu sem ekki komist
rakleitt til skila til rétthafa umræddra vaxtabóta. Önnur útfærsla væri að komi til þess að
greiðsla sé hærri en mánaðarleg afborgun láns þá beri að greiða það sem eftir stendur inn á
höfuðstól lánsins.
LL vilja vara við því að einskiptisaðgerðir sem þessar sem ætlaðar eru til hagsbóta fyrir lántaka verði
ekki útfærðar með þeim hætti að þeim fylgi verulegt flækjustig í framkvæmd og þar með óþarfa
kostnaður.
mailto:umsagnir@althingi.is
Virðingarfyllst,
f.h. Landssamtaka l{feyrissjóða
í
Þóriey S. Þórðaidóhir, framkvæmdastjóri
2