Nefndasvið Alþingis Reykjavík, 26. apríl 2024
b.t. efnahags- og viðskiptanefndar
Smiðju, Tjarnargötu 9
101 Reykjavík
sent á umsagnargátt Allþingis
Efni: Umsögn um frumvarp til laga um breytingu á lögum um skyldutryggingu lífeyrisréttinda
og starfsemi lífeyrissjóða, nr. 129/1997 (fjárfestingarkostir viðbótarlífeyrissparnaðar), 916. mál
Samtök atvinnulífsins (SA, samtökin) vísa til tölvupósts efnahags- og viðskiptanefndar
Alþingis frá 12. apríl þar sem óskað var umsagnar samtakanna um ofangreint mál. Með
frumvarpinu verður vörsluaðilum séreignarsparnaðar heimilað að verða við beiðni rétthafa
um að iðgjöldum hans verði varið í fjárfestingar í tilteknum sjóði eða sjóðum um sameiginlega
fjárfestingu.
Þess ber að geta að í gegnum tíðina hafa allar meiriháttar breytingar á lífeyriskerfinu verið
gerðar að frumkvæði aðila vinnumarkaðarins eða í náinni samvinnu við þá. Hvorugt á hins
vegar við um hið fyrirliggjandi frumvarp. Um þessar mundir stendur yfir vinna starfshóps sem
skipaður var af fjármála- og efnahagsráðherra við gerð grænbókar um lífeyriskerfið. Efni þessa
frumvarps á vel heima í umræðu á þeim vettvangi. Samtökin benda því á að mögulega er
framlagning frumvarpsins ekki tímabær og að eðlilegra væri að ljúka vinnu starfshópsins áður.
Virðingarfyllst,
f.h. Samtaka atvinnulífsins
Heiðrún Björk Gísladóttir
Hús atvinnulífsins | Borgartún 35, 105 Reykjavík 1