Skýrsluheiti
ES RAFRÆNT UNDIRRITAÐ
Örn Þorsteinsson
Kt. 0605795209
Dags. 26.4.2024 10:57:33
Ástæða: Undirritun
Alþingi
b.t. nefnda- og greiningarsviðs
Kirkjustræti
101 Reykjavík
26. apríl 2024
Efni: Umsögn um frumvarp til laga um breytingu á lögum um skyldutryggingu lífeyrisréttinda og
starfsemi lífeyrissjóða (fjárfestingarkostir viðbótarlífeyrissparnaðar) - 916. mál á 154. löggjafarþingi
Vísað er til umsagnar Akta sjóða hf. (hér eftir nefnt ,,Akta“ eða ,,félagið“) við drög að frumvarpi til
breytinga á lögum um skyldutryggingu lífeyrisréttinda og starfsemi lífeyrissjóða (fjárfestingarkostir
viðbótarlífeyrissparnaðar), dags. 18. mars sl.
Vill Akta ítreka og leggja áherslu á megininntak umsagnar félagsins. Nánar tiltekið, mikilvægi þess
að jafnræðis rekstrarfélaga verðbréfasjóða og rekstraraðila sérhæfðra sjóða, sem ekki eru jafnframt
vörsluaðilar séreignarsparnaðar, verði gætt hvað varðar aðgengi rétthafa að þeim fjárfestingarkostum sem
framlagt frumvarp, lagt fram á 154. löggjafarþingi 2023-2024, þingskjal 1361 - 916. mál (hér eftir nefnt
,,frumvarpið“), gerir ráð fyrir.
Í því sambandi veltir félagið því upp hvort árétta mætti, í lagaákvæðinu sjálfu eða
lögskýringargögnum sem fylgja frumvarpinu, að vörsluaðilum séreignarsparnaðar, sem á annað borð bjóði
eða hyggist bjóða rétthöfum að nýta sér auknar heimildir til ávöxtunar á séreignarsparnaði til samræmis við
frumvarpið, beri að verða við óskum rétthafa séreignarsparnaðar um val á fjárfestingarkostum. Heimild
vörsluaðila skv. frumvarpinu snúi þannig eingöngu að því hvort þeir kjósi að bjóða upp á fjárfestingarleið þá
sem frumvarpið gerir ráð fyrir eður ei; ekki að því í hvaða sjóðum rétthafi getur valið að fjárfesta í innan
þess sem heimilt er skv. frumvarpinu. Vörsluaðilum væri þá sem dæmi ekki heimilt að samþykkja tiltekna
sjóði umfram aðra, að því gefnu að sjóðirnir uppfylli lögbundin skilyrði skv. frumvarpinu.
Ljóst er að það væri afar samkeppnishamlandi fyrir smærri aðila á markaðnum ef vörsluaðilum
séreignarsparnaðar væri gefinn kostur á að útiloka tiltekna sjóði með þessum hætti. Þótt ráða megi af
frumvarpinu að það sé ekki ætlun löggjafans er mikilvægt fyrir smærri aðila á markaðnum að ekki sé nokkur
vafi þar um eða svigrúm til þess að túlka frumvarpið með öðrum hætti en að framan er lýst
Félagið telur efnislegt inntak frumvarpsins að öðru leyti jákvætt fyrir bæði fjármálamarkaðinn og
rétthafa.
f.h. Akta sjóða hf.
Örn Þorsteinsson, framkvæmdastjóri
1
https://samradapi.island.is/api/Documents/34a2c67a-35e5-ee11-9bc1-005056bcce7e