Minnisblað
Viðtakandi Umhverfis- og samgöngunefnd
Alþingis
Sendandi Umhverfis-, orku- og
loftslagsráðuneyti
Dagsetning 16. apríl 2024
Málsnúmer URN24010216
Tilgangur Til upplýsingar
Innleiðing á tilskipun 2009/31/EB - Athugasemdir ESA
Umhverfis-, orku- og loftslagsráðuneyti barst erindi frá Eftirlitsstofnun EFTA (ESA) 12. apríl 2024
þar sem stofnunin kemur á framfæri athugasemdum sínum varðandi innleiðingu á tilskipun (ESB)
2009/31 (hér eftir „CCS-tilskipunin“).
Í erindi ESA kemur fram að við nánari skoðun á drögum að starfsleyfi Carbfix á Hellisheiði sem
ESA hefur nú til meðferðar, í samræmi við 6. mgr. 33. gr. c. laga um hollustuhætti og
mengunarvarnir nr. 7/1998 hafi ESA komið auga á misræmi á milli ákvæða laganna og
frumvarpsins sem nú er til meðferðar hjá umhverfis- og samgöngunefnd þegar höfð er hliðsjón af
ákvæðum CCS-tilskipunarinnar. Athugasemdir ESA við innleiðingu CCS-tilskipunarinnar eru
eftirfarandi:
I. 33. gr. g:
Annar töluliður 1. mgr. 33. gr. g. laganna (sem verður þriðji töluliður 1. mgr. 33. gr. g., sbr.
frumvarp sem nú liggur fyrir á Alþingi) er ekki í samræmi við skilyrði c-liðar 1. mgr. 18. gr.
CCS-tilskipunarinnar. Vísa skal sérstaklega til 2. mgr. 33. gr. j. laganna (sem verður 33. gr.
k., sbr. frumvarp sem nú liggur fyrir Alþingi).
- URN: Breyta þarf 33. gr. g. og færa inn orðin: „2. mgr.“ á undan orðunum „skv. 33. gr.
j.“.
II. 33. gr. j:
2. mgr. 33. gr. j. laganna (sem verður 33. gr. k., sbr. frumvarp sem nú liggur fyrir á Alþingi)
er ekki í samræmi við orðalag 1. mgr. 20. gr. CCS-tilskipunarinnar, en þar kemur fram að
fjárframlagið skuli ná til a.m.k. áætlaðs kostnaðar við eftirlit til 30 ára.
- URN: Breyta þarf 2. mgr. 33. gr. j. sem verður 33. gr. k. verði frumvarpið samþykkt á
Alþingi og færa inn eftirfarandi málslið á eftir orðunum kostnað við vöktun: sem skal
nægja fyrir a.m.k. ætluðum kostnaði af vöktun í 30 ár.
III. 33. gr. h:
2. mgr. 33. gr. h. er ekki í samræmi við skilyrði 2. mgr. 21. gr. CCS-tilskipunarinnar. Ákvæðið
ætti að vísa til þeirra viðmiða sem tekið er tillit til þegar aðgangur er veittur en ekki þegar
aðgangi er synjað.
Enn fremur er d-liður 2. mgr. 33. gr. h. laganna ekki í samræmi við orðalag d-liðar 2. mgr.
21. gr. CCS-tilskipunarinnar.
Stjórnarráð Íslands
Umhverfis-, orku- og loftslagsráðuneytið
Borgartúni 26
105 Reykjavík
stjornarradid.is
545 8600
- URN: Í stað 2. mgr. 33. gr. h. kemur: Aðgangur sem um getur í 1. mgr. skal veittur á
gagnsæjan hátt og án mismununar. Aðgangur skal veittur með sanngjörnun hætti án
hindrana og hliðsjón skal höfð af:
- URN: Í stað d. liðar 33. gr. h. kemur: nauðsyn þess að virða tilhlýðilega rökstuddar og
eðlilegar þarfir eiganda eða rekstraraðila geymslusvæðis eða flutningskerfis og
hagsmuni allra annarra sem nota geymsluna eða netið eða viðkomandi vinnslu- eða
meðhöndlunarbúnað og kunna að verða fyrir áhrifum.
[Tillaga/niðurstaða]
Ráðuneytið hefur yfirfarið athugasemdir ESA og leggur til þær breytingar á frumvarpinu sem koma
fram hér að ofan en telur rétt að benda á að 1. mgr. 20. gr. og 2. mgr. 21. gr. CCS tilskipunarinnar
eru einnig innleiddar í 19. gr. og 2. mgr. 20. gr. reglugerðar 1430/2022 um geymslu koldíoxíðs í
jarðlögum. Í 19. gr. reglugerðarinnar kemur fram að fjárframlag skuli nægja fyrir a.m.k. ætluðum
kostnaði í 30 ár og orðalag 2. mgr. 20 gr. reglugerðarinnar er sama orðalag og er lagt til undir lið
III hér að ofan.
Stjórnarráð Íslands
Umhverfis-, orku- og loftslagsráðuneytið
2 / 2