Microsoft Word - Þingskjal 120..doc
Umsagnaraðili:
Egill Þórðarson, lofskeytamaður,
stjórn Hollvinasamtaka varðskipsins Óðins
og Agnar Jónsson, skipasmiður .
15. apríl 2024.
154. löggjafarþing2023-2024.
Þingskjal 120 -120. mál.
Tillaga til þingsályktunar
um fjármögnun varðveislu, björgunar og endurgerðar skipa- og
bátaarfsins.
Umsögn:
"Fjármögnun varðveislu og endurgerðar skipa og báta á
Norðurlöndunum".
Í anda þess fyrirkomulags sem þróast hefur í Noregi og í Færeyjum, m.a.
með þróun laga og reglugerða sem vitnað er til í þessu þingskjali, skiptir
höfuð máli að komið verði á sameginlegu átaki sjálfboðaliða og hins
opinbera um verndun, verndunarverðra skipa og báta.
Á vegum vernduarsjóðs starfi nefnd fagmanna í skipasmíðum,
sjómennsku og sögu skipa sem meti hvort skip eða bátur, sem hæfir
sjálfboðaliðar vilja vernda, sé verndunarverður eður ei.
Sé skip eða bátur talið verndunar virði og að verndun svari kostnaði,
verði hægt að gera samning um verndun, þannig að sjálfboðaliðarnir
leggi fram vinnu endurgjaldslaust og að verndunarsjóður veiti skilyrt
framlag í hlutfalli við vinnuframlag sjálfboðaliðanna.
Sjálfboðaliðar leggi fram verkáætlun og haldi saman vinnutímum sínum
sem metnir verði til fjár, verndunarsjóðurinn greiði vegna útlagðs
kostnaðar í samræmi við framlagða vinnu og þarfir verksins.
Standi sjálfboðaliðar ekki við skuldbindingar sínar um vinnuframlag,
falla skuldbindingar verndunarsjóðsins um framlög niður.
Jafnframt þarf að vera til áætlun um rekstur skips eða báts, líkt og er
um safnskipið Óðinn/TFRA sk.nr. 0159, sem aftur er komið á íslenska
skipaskrá, er viðhaldið og siglt með fullt haffæri, ef ekki er um hýsingu
að ræða. Góð dæmi um hýsingu má nefna víkingaskipið Íslending í
Njarðvíkum, vélbátinn Tý á Siglufirði, hákarlaskipið Ófeig á Reykjum og
sandaskipið Pétursey í Skógum, svo dæmi séu tekin.
Rétt er að upplýsa að reynslan hefur sýnt, aðþað kostar um þrjú
ársverk vélstjóra, loftskeytamanna og háseta, að viðbættum útlögðum
kostnaði, að halda í við við tímans tönn og viðhalda safnskipinu Óðni,
fyrir utan lögbundnar slipptökur a.m.k. 5. hvert ár.
Að geyma skip við bryggju eða óvarið á landi, án rekstrar og stöðugs
viðhalds er hægfara, en örugg leið til förgunar eins og of mörg dæmi
sanna.
Í stjórn Hollvinasamtaka varðskipsins Óðins sitja:
Vilbergur Magni Óskarsson, (skipherra) formaður,
Vigdís Hauksdóttir, varaformaður,
Ingólfur Kristmundsson, (yíirvélstjóri) gjalkeri,
Sigurbjörn Svavarsson, ritari,
Kristinn Halldórsson,
Hilmar Guðmundsson,
Sigurður Ásgrímsson.
Rekstrar- og haffærisnefnd, Hollvinasamtaka v/s Óðins:
Egill Þórðarson, (loftskeytamaður) formaður,
Vilbergur Magni Óskarsson, (skipherra),
Ingólfur Kristmundsson, (yfirvélstjóri),
Kristinn Halldórsson, (tæknistjóri).