Minnisblað
Frumvarp um breytingar á lögum um svæðisbundna flutningsjöfnun (niðurlagning
Flutningsjöfnunarsjóðs olíuvara) - breytingartillögur samgöngu- og
sveitarstjórnarráðuneyti sins
Efni: Breytingartillögur vegna frumvarps um svæðisbundna flutningsjöfnun
Viðtakandi: Umhverfis- og samgöngunefnd
Sendandi: Samgöngu- og sveitarstjórnarráðuneytið
Dags. 11.6.2020
Að teknu tilliti til ábendinga nefndarsviðs Alþingis, telur samgöngu- og sveitarstjórnarráðuneytið
ástæðu til að bæta við málslið við skilgreiningarákvæði laga um svæðisbundna flutningsjöfnun,
þannig að enginn vafi leikur á að hugtökin flutningsjöfnun og flutningsjöfnunarstyrkur, taki bæði
til aðgerða vegna framleiðenda og aðgerða vegna sölu olíuvara. Gert er ráð fyrir því í frumvarpinu
sem nú er til meðferðar hjá umhverfis- og samgöngunefnd, að lögin taki almennt fram hvort átt sé
við flutningsjöfnun til framleiðanda eða flutningsjöfnun vegna sölu olíuvara í hveiju tilviki fyrir
sig, og á því ekki að leika vafi á hvort ákvæði laganna fjalli um flutningsjöfnun eða
flutningsjöfnunarstyrk til framleiðenda eða vegna sölu olíuvara.
Vegna þessa leggur ráðuneytið einnig til tvær breytingar, þar sem skerpt er á þessum mun. Annars
vegar við 1. mgr 7. gr. laganna þar sem tekið verði fram með skýrum hætti að geta skuli um hvaða
gögn skuli fylgja umsókn um flutningsjöfnunarstyrk vegna sölu olíuvara í reglugerð. Hins vegar er
lagt til að gerð verði breyting á 9. gr. laganna og bætt verði við málslið sem fjallar um með skýrum
hætti að í skýrslu ráðherra vegna flutningsjöfnunarstyrkja til framleiðenda, verði einnig kafli um
flutningsjöfnunarstyrkja vegna sölu olíuvara og hvað eigi að koma fram í þeim kafla.
Þá leggur ráðuneytið einnig til mikilvægar breytingar á 2. gr. laganna í samræmi við 5. kafla
minnisblaðs ráðuneytisins frá 26. maí sl.
Ráðneytið leggur því til eftirfarandi breytingar:
1. Við 2. gr. bætist ný málsgrein, svohljóðandi: IV. kafli laga þessara nær til jöfnunarstyrkja
vegna flutningskostnaðar á olíuvörum, þó ekki olíum ætluðum til útflutnings, svo sem til
millilandasiglinga og erlendra skipa. Ráðherra skal setja nánari reglur um þá flokka olíuvara
sem heimilt er að styrkja.
2. Við 3. gr.
a. Við 2. tl. kemur nýr málsliður svohljóðandi: Flutningsjöfnun getur einnig átt við aðgerð
sem miðar að því að veita söluaðilum olíuvara styrki vegna flutnings á olíuvörum til
svæða sem búa við skerta samkeppnisstöðu vegna landfræðilegra og lýðfræðilegra
aðstæðna.
b. Við 3. tl. kemur nýr málsliður svohljóðandi: Flutningsjöfnunarstyrkur getur einnig átt við
styrk sem veittur er söluaðilum olíuvara sem starfrækja sölustaði á svæðum sem búa við
skerta samkeppnisstöðu vegna landfræðilegra og lýðfræðilegra aðstæðna.
3. 1. mgr. 7. gr. orðast svo: Byggðastofnun annast framkvæmd styrkveitinga skv. II. og III.
kafla. Umsókn um flutningsjöfnunarstyrk til framleiðenda skv. II. kafla skal fylgja
greinargerð um flutningsjöfnun, líkt og nánar er kveðið á um í reglugerð, þar sem fram koma
allar upplýsingar og tekur endurgreiðsla vegna flutningskostnaðar mið af henni. Geta skal í
reglugerð um þau gögn sem fylgja skulu umsókn um flutningsjöfnunarstyrk til söluaðila
olíuvara skv. III kafla.
4. Við 9. gr.
a. Á eftir orðunum „flutningskostnaðar“ í 1. mgr. kemur: til framleiðenda skv. II kafla.
b. Við 1. mgr. bætist nýr málsliður, svohljóðandi: Í skýrslunni skal einnig fjallað um
flutningsjöfnunarstyrki til söluaðila olíuvara skv. III kafla, fjölda umsækjanda á
styrktímabilinu, fjölda samþykktra styrkumsókna, heildarfjárhæð styrkveitinga og
fjárhæð tíu stærstu styrkja. Upplýsingar skulu jafnframt vera sundurliðaðar eftir
landshlutum.