Góðan dag. Meðfylgjandi er umsögn landlæknis, send með tölvupósti, til að hægt sé að hraða
málsmeðferð sem mest.
Umsögn embættis landlæknis um 700. mál, frumvarp til breytingar á lögum um aðbúnað,
hollustuhætti og öryggi á vinnustöðum sem hefur það að markmiði að tryggja að heimilt verði
að leyfa innflutning á persónuhlífum sem ekki eru CE-merktar til nota á heilbrgiðisstofnunum
eða á starfsstofum heilbrigðisstarfsmanna hér á landi vegna útbreiðslu COVID-19 sjúkdómsins:
Landlæknir fagnar framkomnu frumvarpi. Nú þegar heimsfaraldur COVID-19 geisar um heiminn
verður æ erfiðara að tryggja heilbrigðisstarfsmönnum og öðru framlínustarfsfólki nauðsynlegan
hlífðarbúnað til að geta sinnt störfum sínum þannig að eigin öryggis sé gætt.
Veiran SARS-CoV-2 er skæð; hún er mjög smitandi (smitstuðull 2-6 skv. kínverskum
heilbrigðisyfirvöldum), hún getur valdið alvarlegum veikindum og dauða, ekki er til bóluefni og
lyfjameðferð er enn takmörkuð. Þegar hafa borist fregnir af heilbrigðisstarfsmönnum sem hafa
látist af þessum sökum við störf sín, bæði í Kína og á Ítalíu.
Landlæknir getur ekki lagt á það nógsamlega áherslu hve mikilvægt er að starfsfólk geti varið sig
og eigin heilsu með viðeigandi hlífðarbúnaði í samræmi við leiðbeiningar sóttvarnalæknis. Leita
þarf allra leiða til að tryggja kaup ríkisins á hlífðarbúnaði í nægu magni. Líklegt er að sífellt
erfiðara verði fyrir evrópsk lönd að tryggja slíkt og því ber að fagna framkomnu frumvarpi sem
heimilar innflutning á ekki CE merktum hlífðarbúnaði enda sér það tímabundin ráðstöfun og
þess áfram gætt að gæði og öryggi búnaðar sé fullnægjandi.
Landlæknir styður því heils hugar framkomið frumvarp og þakkar fyrir það.
Virðingarfyllst,
Alma D. Möller, MD, PhD, EMPH
Landlæknir / Director of Health
Embætti landlæknis / Directorate of Health
Katrínartún 2, 105 Reykjavík
Sími 510 1900
www.landlaeknir.is
https://www.althingi.is/altext/150/s/1182.html
https://www.althingi.is/altext/150/s/1182.html
http://www.landlaeknir.is/