FÉLAG UM SJÁLFBÆRNI
OG LÝÐRÆÐI
Umsögn um mál 70, 150. löggjafarþing, þingskjal 70 -
um undirritun og fullgildingu samnings Sameinuðu þjóðanna um bann við kjarnorkuvopnum
Vestmannaeyjum, 26. desember 2019,
Alda, félag um sjálfbærni og lýðræði, ítrekar hér með fyrri umsögn sína um sama þingmál sem
lagt var fram á 149. þingi.
Alda lýsir yfir eindregnum stuðningi við að þingsályktunartillaga þessi verði samþykkt hið
fyrsta, og enn fremur að Ísland gerist aðili að samningi Sameinuðu þjóðanna um bann við
kjarnorkuvopnum. Kjarnorkuvopn eru mikil hætta fyrir mannkynið og lífið á jörðinni, og í því ljósi
mikilvægt að hætt verði framleiðslu, þróun og varðveislu slíkra vopna, sem samningurinn miðar að.
Ísland á ekki að vera eftirbátur í því að auka stöðugleika og frið í heiminum, en í því ljósi ætti að
samþykkja þessa þingsályktun hið fyrsta.
Félagið leggur áherslu á að engin ástæða er til að tefja frekar samþykkt þingsályktunartillögu
þessarar, enda eru umsagnaraðilar allir á einu máli og nauðsynin til að hefta notkun og útbreiðslu
kjarnorkuvopna ærin.
Fyrir hönd stjórnar Öldu,
Guðmundur D. Haraldsson, stjórnarmaður
1