KSi
Allsherjar- og menntamálanefnd Alþingis
Nefndasvið Alþingis
Efni: Umsögn KSÍ um tillögu til þingsályktunar um launasjóð íslensks afreksíþróttafólks, 524. mál
Knattspyrnusamband Íslands (KSÍ) vill koma að eftirfarandi athugasemdum vegna tillögu til þingsályktunar um
launasjóð íslensks afreksíþróttafólks:
KSÍ tekur heilshugar undir tillögur um launasjóð sem myndi skapa afreksíþróttafólki í landinu fjárhagslegan
grundvöll til iðkunar á íþrótt sinni að ákveðnum skilyrðum uppfylltum. Tekið er undir þau sjónarmið að með
því að greiða afreksíþróttafólki starfslaun aukast réttindi og öryggi þess. Mikilvægt er að við undirbúning og
við útfærslu starfslaunasjóðs afreksíþróttafólks verði unnið náið með Íþrótta- og Ólympíusambandi Íslands,
sveitarfélögunum og ef svo ber við íþróttahéruðum og sérsamböndum.
Virðingarfyllst f.h . stjórnar KSÍ,
Guðni Bergsson
Formaður KSÍ
Klara Bjartmarz
Framkvæmdastjóri KSÍ