Árni Davíðsson
Suðurbraut 1
200 Kópavogur
netfang: arnid65@gmail.com
Kópavogur 7. febrúar 2020
Nefndasvið Alþingis
Austurstræti 8-10
150 Reykjavík
Umsögn um frumvarp: Fjöleignarhús. 468. mál, 150. löggjafarþing.
Undirritaður er ekki sáttur við fyrirliggjandi frumvarp. Það gengur allt of langt í að
veita eigendum rafbíla rétt til að skylda aðra eigendur í fjöleignarhúsum að standa
undir byggingu og rekstur hleðslustöðva fyrir sín ökutæki. Að mínu mati ætti að skipa
málum þannig að eigendur bíla beri kostnaðinn af sinni bílaeign en velti honum ekki
yfir á nágranna sína. Samfélagið almennt gengur allt of langt í að standa undir og fela
þann kostnað sem í bifreiðaeign felst og þetta frumvarp er aðeins síðasta dæmið um
það.
Ofnotkun bíla á Islandi er grundvölluð á nokkrum þáttum en þrír þættir eru þar
stærstir:
1. Gjaldfrjáls bílastæði við heimili.
2. Gjaldfrjáls bílastæði á vinnustað.
3. Gjaldfrjáls bílastæði þar sem almenningur leitar þjónustu.
Engin af þessum bílastæðum eru þó ókeypis heldur er kostnaður við landið undir
þeim, við byggingu bílastæðanna og við rekstur þeirra falin fyrir notendunum með
því að hafa hann innbyggðan í fasteignaverði, innbyggðann í verðlagi og
niðurgreiddan með því að láta alla borga fyrir notkun sumra á bílastæðum. Þetta
kerfi ívilnana með notkun einkabílsins hefur haft geigvænleg áhrif á hið byggða
umhverfi á Íslandi eins og annarsstaðar og veldur því að byggð eru alltof mörg
bílastæði sem hafa slæm áhrif á umhverfið. Afleiðingin er dreifð byggð, óvistlegt
umhverfi, loftmengun í þéttbýli, losun gróðurhúsalofttegunda, hreyfingarleysi, offita,
slæm lýðheilsa og of dýrt íbúðarhúsnæði.
Tillaga:
Ég legg því til að þessu frumvarpi verði hafnað og að nýrri nefnd verið falið að semja
annað frumvarp sem uppfylli eftirfarandi markmið:
1. Notendur hleðslustöðva í fjöleignarhúsum greiði fyrir gerð, viðhald og
þjónustu við þær.
2. Notendur bílastæða í fjöleignarhúsum greiði fyrir gerð, viðhald og þjónustu
við bílastæðin.
Að mínu mati verður þessum markmiðum best náð með því að að skipa málum
bílastæða í fjöleignarhúsum með svipuðum hætti og er í sumum nágrannalöndum
okkar. Þar reka húsfélög sameiginlega bílastæði sem sérfélög eða undir sérstöku
bókhaldi og selja eða leigja aðgang að bílastæðinu til skemmri eða lengri tíma og eru
notendur látnir standa undir rekstri bílastæðanna ekki aðrir. Það er með öðrum hætti
mailto:arnid65@gmail.com
en hér á landi þar sem allir íbúar eru skyldugir til að reka sameiginlega bílastæði og
þar með þurfa þeir sem eiga ekki bíl eða eiga aðeins einn bíl að niðurgreiða stæðin
fyrir nágranna sína og fyrir þá sem búa í óleyfilegu leiguhúsnæði í fjöleignarhúsum
eins og t.d. í geymslum með glugga í kjallara.
Ég er tilbúin að koma á fund nefndarinnar og svara spurningum.
Árni Davíðsson