GoPro Ráðhús Reykjavíkur - Lookup Documents By GPUNID
Reykjavikurborg
m annréttinda- og lýðræ ðisskrifsto fa
Reykjavík, 13. febrúar 2020
R20010334
175
Alþingi - nefndasvið
Velferðarnefnd Alþingis
Umsögmannréttinda- og lýðræðisskrifstofu Reykjavíkurborgar á frumvarpi til laga um
breytingu á lögum um málefni innflytjenda, nr. 116/2012, með síðari breytingum
(móttaka flóttafólks og innflytjendaráð), 457. mál.
Mannréttinda- og lýðræðisskrifstofa Reykjavíkurborgar fagnar frumvarpi til laga um
breytingu á lögum um málefni innflytjenda. Frumvarpið festir í lög samræmingu þjónustu
svokallaðs „kvótaflóttafólks“ og þeirra sem fá viðurkennda stöðu flóttamanns hér á landi eftir
að hafa sótt um alþjóðalega vernd. Hingað til hefur verulegur munnur verið á þjónustu
ríkisins til þessara tveggja hópa og einstaklingar sem hljóta stöðu flóttafólks að undangengnu
umsóknarferli eingöngu getað sótt um hefðbundna félagsþjónustu sveitafélaga. Reynslan
sýnir að þjónusta við ofangreindan hóp er mjög flókin, tekur miklu lengri tíma og mesti
þunginn liggur á félags- og skólaþjónustu sveitafélaganna.
Mannréttinda- og lýðræðisskrifstofa fagnar því að áhersla sé lögð á að jafna stöðu þeirra sem
hingað koma á eigin vegum og kvótaflóttafólks. Þá er jákvætt að ríkið komi til með að leggja
til fjármagn til sérstakrar þjónustu við flóttafólk sem áður féll eingöngu á sveitarfélögin. Að
því sögðu vill mannréttinda- og lýðræðisskrifstofa koma á framfæri áhyggjum sínum þess
efnis að tillögur frumvarpsins komi ekki til móts við áskoranir Reykjavíkurborgar hvað
þjónustu við flóttafólk varðar. Eins og staðan er í dag kýs mikill fjöldi flóttafólks að eiga
lögheimili í Reykjavík og nýtur félags- og skólaþjónustu á vegum borgarinnar. Skrifstofan
telur að tillögur í frumvarpi komi ekki til með að auka verulega hlutfall þeirra sem kjósa að
flytja utan höfuðborgarsvæðisins. Mikilvægt er tryggja þeim sem sjá sér ekki fært að búa utan
höfuðborgarsvæðisins sökum þjónustuþarfa, skólagöngu eða annarra þátta viðeigandi
stuðning. Verði frumvarp þetta að lögum kemur þessi hópur til með að verða í svipaðri stöðu
og áður, þ.e.a.s. þessum einstaklingum mun eingöngu standa til boða lágmarksþjónusta og öll
ábyrgð og kostnaður mun falla á viðkomandi sveitarfélag, sem í langflestum tilfellum er
Reykjavíkurborg. Reykjavíkurborg vill gjarnan koma til móts við þennan hóp en þarf til þess
aukið fjármagn frá ríkinu.
Þá vill skrifstofan einnig benda á að æskilegt væri að hafa samsetningu Innflytjendaráðs
breiðari með tilliti til fulltrúa innan ráðsins, enda er um mjög góðan ráðgjafavettvang er að
ræða sem styður við vinnu ráðuneyta. Innflytjendaráð er mjög gott dæmi um svokallaða
''multilevel govemance” en til að koma röddum innflytjenda frekar á framfæri þarf fulltrúa
úr samfélagi innflytjenda innan innflytjendaráðs, það er fulltrúa samtaka og félagasamtaka
innflytjenda á borð við Móðurmál eða Samtök kvenna af erlendum uppruna WOMEN.
Virðingarfyllst
Joanna Marcinkowska
mannréttinda- og lýðræðisskrifstofa Reykjavíkurborgar