13. janúar
Tilv.: 2001565
Nefiidasvið Alþingis
nefndasvid@,althingi.is
Austurstræti 8-10
150 Reykjavík
Efni: Umsögn um írv.t.l. um breytingu á ýmsum lögum um skatta og
gjöld (staðgreiðsla, álagning o.fl.),
Með tölvupósti dags. 17. desember 2019, óskaði efnahags- og
viðskiptanefnd Alþingis eftir umsögn um frumvarp til laga um
breytingu á ýmsum lögum um skatta og gjöld, 450. mál.
í 14. og 15 gr. frumvarps til laga um um breytingu á ýmsum lögum
um skatta og gjöld er lögð til breyting á 5. gr. og 9. gr. laga um
staðgreiðslu opinberra gjalda nr. 45/1987.
Seðlabankinn styður framangreinda breytingu sem lögð er til í
frumvarpinu. Um er að ræða aðgerð sem felur í sér einföldim á
regluverki gagnvart erlendum aðilum sem bera takmarkaða
skattskyldu hérlendis. Breytingin felur í sér að aðkoma erlendra aðila
sem og vörsluaðila eða milligönguaðila þeirra er einfölduð þegar
kemur að viðskiptum með hlutabréf eða stofnbréf hér á landi, en
óbreytt regluverk felur í sér vissa tæknilega hindrun fyrir erlenda
fjárfestingu í hlutabréfum og stofiibréfum og býr til ákveðið ójafnræði
gagnvart innlendum fjárfestum.
Mikilvægt er að fækka aðgangshindrunum að innlendum mörkuðum
eins og fremst er unnt og samræma regluverk við nágrannaríki okkar.
Á þetta sérstaklega við í tilvikum smáríkja eins og Islands, þar sem
sérhæft eða flókið regluverk verður frekar til þess að fjárfestar og þeir
sem útfæra fjármálaþjónustu víða um heim sjá sér ekki hag í því að
styðja fjárfestingu í íslenskum verðbréfum sem gerir fjármögnun hér á
landi dýrari en ella.
í kjölfar þessara breytinga þarf að skoða vandlega hvort til staðar eru
fleiri íþyngjandi eða óeðlilegar hindranir fyrir erlenda fjárfesta á
innlenda markaði, s.s. á skuldabréfamarkaði, enda er þátttaka erlendra
aðila á innlendum skuldabréfamarkaði með minnsta móti um þessar
mundir.
S E Ð L A B A N K I Í S L A N D S
Að öðru leyti gerir Seðlabanki íslands ekki athugasemdir við
frumvarp þetta.
Virðingarfyllst,
SEÐLABANKIÍSLANDS
Ásgeir Jónsson
seðlabankastjóri
’aiinvtíQ {[y á m u i
Rannveig Júrtíusdóttir
framkvæmdástj óri