Directorate of Health
Embætti
landlæknis
Alþingi
Kirkjustræti
101 Reykjavík
Reykjavík, 3. desember 2019
1911088/0.4.1/dgg
Efni: Umsögn Embættis landlæknis um tillögu til þingsályktunar um þjóðarátak í
lýðheilsutengdum forvörnum
Embætti landlæknis fagnar áhuga á lýðheilsutengdum forvörnum og minnir á að hlutverk
embættisins skv. lögum um landlækni og lýðheilsu nr. 41 frá 2007 er m.a. að efla lýðheilsustarf
og annast forvarna- og heilsueflingarverkefni hér á landi.
Embættið bendir á lýðheilsustefnu stjórnvalda frá árinu 2016, sem mikilvægt er að uppfæra til
samræmis við heilbrigðisstefnu stjórnvalda til ársins 2030. Flestir þættir
þingsályktunartillögunnar koma nú þegar fram í þeirri stefnu og unnið er að í daglegum verkefnum
á lýðheilsusviði hjá Embætti landlæknis. Aðgerðaráætlun sem fylgir lýðheilsustefnunni frá 2016
gildir aðeins til ársins 2020 og því er nauðsynlegt að vinna aðgerðaráætlun til ársins 2030.
Embættið leggur til að haldið sé áfram að byggja á þeirri góðu vinnu sem liggur fyrir um
lýðheilsutengdar forvarnir.
Virðingarfyllst,
Dóra Guðrún Guðmundsdóttir,
sviðsstjóri Lýðheilsusviðs
Katrínartúni 2 • IS 105 Reykjavík • lceland • Sími/Tel. (+354) 510 1900 • mottaka@ landlaeknir.is • www.landlaeknir.is
mailto:mottaka@landlaeknir.is
http://www.landlaeknir.is