Alþingi
Velferðarnefnd
Kirkjustræti
150 Reykjavík
Reykjavík 3. desember 2019
Efni: Umsögn Æskunnar barnahreyfingar um ,,Tillaga til þingsályktunar um þjóðarátak í
lýðheilsutengdum forvörnum. 150. löggjafarþing 2019-2020. Þingskjal 350 — 309. mál.“ [1]
Æskan Barnahreyfing styður þessa þingsályktunartillögu eindregið.
Æskan barnahreyfing vinnur mikið með almenningi í grasrótarstarfi, þar kemur fram mikill
stuðningur samfélagsins á flestu í tillögunni. Við fögnum því þegar kallað er eftir sérþekkingu
frjálsra félagasamtaka sem eru virk í forvörnum þegar fjallað er um breytingar á lögum sem
heyra til forvarna í landinu og erum tilbúin að eiga fulltrúa í starfshópnum
Tillaga þessi er í takti við heilbrigðisstefnu þessarar sem og fyrri ríkisstjórna.[2] [3]
Alþjóðaheilbrigðismálastofnunin (WHO) bendir á að notkun vímuefna er þáttur í
ósmitnæmum sjúkdómum og hvetur allar þjóðir til að draga úr neyslu vímuefna [4]
Æskan barnahreyfing styður allar tillögur sem styrkja forvarnir gegn áfengi og öðrum
vímuefnum. Stysta leiðin til að ná árangri í bættri lýðheilsu er að draga úr neyslu áfengis.
Tillagan vinnur með heilbrigðisstefnu, Heimsmarkmiðum Sameinuðu þjóðanna og
Barnasáttmála Sameinuðu þjóðanna. Í 33 grein Barnasáttmálans stendur: Aðildarríki skulu
gera allar viðeigandi ráðstafanir, m.a. löggjöfina, stjórnun og menntun til að vernda börn frá
ólöglegri notkun vímuefna og geðbreytandi efna, eins og þau eru skilgreind í alþjóðlegu
samhengi, og að hindra notkun barna í framleiðslu, sölu og meðferð slíkra efna.[5]
Æskan barnahreyfing er hluti af IOGT international, stærstu forvarnasamtökum heims.
Meirihluti íbúa heimsins notar ekki áfengi, kannabis eða önnur vímuefni. Yfir 62%
heimsbyggðarinnar notar ekki áfengi. Áfengismál og önnur vímuefnamál eru veigamikill
málaflokkur og mikið í húfi að stefnumörkun sem þau varðar séu byggð á niðurstöðum
rannsókna og forðast ber stefnumótun sem byggist á einföldun, vanþekkingu og úrræðum sem
ekki skila árangri eða vinna gegn heilsu einstaklinga og samfélags. Þess vegna á almenningur
rétt á að stefna um áfengi og önnur vímuefni sé vel ígrunduð, heildstæð, unnin a f vandvirkni
og farið varlega í breytingar á aðgengi. Áfengis og vímuefnastefna okkar er sterk og horfa
mörg ríki heims til hennar sem góðrar fyrirmyndar. Æskan vinnur eftir Heimsmarkmiðum
Sameinuðu þjóðanna.[6] Æskan barnahreyfing hefur frá stofnun unnið að þvílíkum
markmiðum og telur að stysta leiðin til að ná þeim sé að draga úr neyslu áfengis og annara
vímuefna.
Fyrir hönd Bindindissamtakanna IOGT á Íslandi
Sigurbjörg Helga Sigurgeirsdóttir Formaður
Aðalsteinn Gunnarsson Framkvæmdastjóri
[1] https://www.althingi.is/altext/150/s/0372.html
[2] https://www.velferdarraduneyti.is/media/rit-og-skyrslur-2014/Stefna-i-afengis--og-vimuvomum-desember-2013.pdf
[3] https://www.stjornarradid.is/lisalib/getfile.aspx?itemid=a5aa63d9-d5b4-11e7-9422-005056bc530c
[4] http://www.who.int/mediacentre/news/releases/2018/world-leaders-ncds/en/
[5] https://www.dontlegalizedrugs.com/files/images/pages/Protectionfromdrugs2012.pdf
[6] http://iogt.is/2019/09/11/afengi-og-heimsmarkmid-sjalfbaerrar-throunar/
https://www.althingi.is/altext/150/s/0372.html
https://www.velferdarraduneyti.is/media/rit-og-skyrslur-2014/Stefna-i-afengis--og-vimuvornum-desember-2013.pdf
https://www.stjornarradid.is/lisalib/getfile.aspx?itemid=a5aa63d9-d5b4-11e7-9422-005056bc530c
http://www.who.int/mediacentre/news/releases/2018/world-leaders-ncds/en/
https://www.dontlegalizedrugs.com/files/images/pages/Protectionfromdrugs2012.pdf
http://iogt.is/2019/09/11/afengi-og-heimsmarkmid-sjalfbaerrar-throunar/