Athugasemdir við frumvarp til laga
Atvinnuveganefnd Alþingis sendi undirrituðum til umsagnar frumvarp til laga um
matvæli (sýklalyfjanotkun), 229. mál. Eftirfarandi eru mínar athugasemdir við
frumvarpið.
Mikilvægt er að landsmenn séu vel upplýstir um sýklalyfjaónæmi, hvaða þýðingu það hefur,
hvernig það verður til og hvernig það dreifist. Það að upplýsa almenning um vandamál er
tengjast sýklalyfjaónæmi er nauðsynlegur hluti baráttunnar gegn því (sjá t.d. samþykkt
Norrænu ráðherranefndarinnar, Nordic Council 12 initiatives. Nordic co-operation on
combating antimicrobial resistance, 7. liður, Public information campaigns in the Nordic
Region: http://norden.diva-portal.Org/smash/get/diva2:1086062/FULLTEXT01.pdf). Verslun
með matvæli á milli landa hefur aukist gríðarlega á undanfömum árum og sýklalyfjaónæmi
getur borist með matvælum. Lönd með litla notkun sýklalyfja í landbúnaði og lágt hlutfall
sýklalyfjaónæmis, vilja væntanlega verja sína eftirsóknarverða stöðu. Hagsmunir þeirra í
tengslum við innflutning matvæla eru því mun meiri en landa með mikla notkun og hátt
ónæmishlutfall. Iðulega er erfitt að átta sig á uppruna matvæla í matvælaverslunum, auk þess
sem fæstir vita um stöðu sýklalyfjaónæmis í landbúnaði utan íslands. Það ætti að vera
lágmarkskrafa að uppruni matvæla komi skýrt fram, þannig að neytendur geti tekið upplýsta
ákvörðun við kaup á matvælum.
Erfitt gæti reynst að fá reglulega uppfærðar upplýsingar um meðalnotkun sýklalyfja í
landbúnaði í viðkomandi löndum. Auk þess gefur meðalnotkun sýklalyfja við framleiðslu
matvæla afar einfaldaða mynd af stöðunni í viðkomandi löndum. Notkunin getur verið mjög
mismunandi eftir framleiðendum/landsvæðum og eftir dýrategundum.
Mikilvægt er að bæta merkingar á matvælum með tilliti til uppruna og upplýsa landsmenn um
stöðu sýklalyfjaónæmis í heiminum, en meðalnotkun sýldalyfja gefúr líklega ekki
fullnægjandi upplýsingar fyrir viðkomandi lönd og erfitt gæti verið fyrir Matvælastofnun að
fá árlega uppfærðar upplýsingar.
Reykjavík, 8. nóvember 2019
Próf. Karl G. Kristinsson
Yfirlæknir Sýkla- og veirufræðideildar Landspítalans
http://norden.diva-portal.Org/smash/get/diva2:1086062/FULLTEXT01.pdf