Nefndarsvið Alþingis
Fjárlaganefnd
Austurstræti 8 - 1 0
150 Reykjavík
Reykjavík 7. október 2019
Efni: Umsögn Sjúkraliðafélag íslands um tillögu til þingsályktunar um rannsóknir á þunglyndi meðal
eldri borgara
Sjúkraliðafélag íslands fagnar tillögu til þingsályktunar um að fela heilbrigðisráðherra það verkefni
að rannsaka þunglyndi eldri borgara og leggja mat á umfang þess.
Flækkandi lífaldur þjóðarinnar er það sem vænta má samkvæmt mannfjöldaspá Flagstofunnar. Það
er því mikilvægt að kanna vel þá áhættuþætti sem liggja til grundvallar þunglyndi. Þekkt er að hár
aldur fólks, lítill félagslegur stuðningur og erfið fjárhagsstaða gerir aldraða berskjaldaðri fyrir
þunglyndi en annað fólk. Einnig verða ýmsir kvillar algengari með hækkandi aldri og er þunglyndi
einn þeirra sem getur haft umtalsverð áhrif á líðan fólks. Þá hefur þunglyndi neikvæð áhrif á virkni
fólks og getu til sjálfstæðis. Það er því mikill ávinningur í að kanna þunglyndi meðal eldri borgara svo
unnt sé að beita viðeigandi meðhöndlun.
Fjölmargir skjólstæðingar sem sjúkraliða sinna eru eldri borgarar, ým ist í heimhjúkrun, í dagdvöl og á
hjúkrunarheimilum. Sjúkraliðafélagið hefur í gegnum félagsmenn sína fengið vísbendingar um að
þunglyndi meðal aldraðra sé ýmist vangreint, vanmeðhöndlað eða það sé ofmeðhöndlað með
þunglyndislyfjum.
Það er því afar mikilvægt að gerð verði sérstök rannsókn á þunglyndi meðal eldri borgara svo unnt
verði að bregðast við sjúkdómnum með viðeigandi hætti og til að móta leiðir til að koma í veg fyrir
þunglyndi hjá öldruðum.
Virðingarfyllst,
Sandra B. Franks, formaður Sjúkraliðafélags íslands