nkf is
F É L A G
N O R R Æ N N A
F O R V A R D A
í S L A N D
Alþingi
Kirkjustræti
150 Reykjavík
Reykjavík 25. mars 2020
Efni: Umsögn - Þingsályktunartillaga um fullgildingu Haag samningsins frá 1954 varðandi vernd
menningarverðmæta í vopnuðum átökum - 147. mál.
í tölvupósti sem barst Félagi norrænna forvarða - ísland (NKF-IS) þann 20. mars sl. var félagið hvatt til
þess að senda inn umsögn um tillögu til þingsályktunar um fullgildingu Haag-samningsins frá 1954,
um vernd menningarverðmæta í vopnuðum átökum.
Að mati félagsins myndi fullgilding Haag samningsins vera mikill styrkur og stuðningur við varðveislu
menningarverðmæta hér á landi. Með honum skuldbinda aðildarríki sig til þess að huga að
viðbrögðum við vopnuðum átökum, með því að undirbúa sig vel, gera áætlanir og hvernig tryggja
megi menningarverðmætum vernd ef til átaka kæmi. Þessi sami undirbúningur mun einnig koma að
góðum notum ef að annarskonar vá steðjaði að, svo sem náttúruhamfarir, skemmdarverk eða
eldsvoði.
Árið 2018 hélt NKF-IS 125 manna alþjóðlega ráðstefnu hér á landi sem bar titilinn: Cultural heritage
facing catastrophe: Prevention and recoveries. '\ þeim fjölmörgu fyrirlestrum sem þar voru fluttir kom
það glögglega í Ijós hversu mikilvægur allur undirbúningur er þegar vá steðjar að. Þekking og yfirsýn
skiptir sköpum í björgun menningarverðmæta.
Félag Norrænna forvarða - ísland, sem landsdeild Nordiska Konservatorförbundet, bindur von við að
Flaag samningurinnfrá 1954 um vernd menningarverðmæta í vopnuðum átökum verði fullgiltur hér á
landi og að innleiðing hans byggi sterkari grunn undir varðveislu og vernd menningarverðmæta á
íslandi.
Virðingarfyllst
!h. stjórnar NKF-Ísland
Ingibjörg Áskelsdóttir
Forvörður