Alþingi
Nefndasvið
b.t. velferðamefndar
Austurstræti 8-10
150 Reykjavík
Sent rafrænt á nefndasvið@althingi.is
Reykjavík, 4. desember 2019
Efni: Umsögn um frumvarp til laga um breytingu á lögum um fæðingar- og
foreldraorlof, nr. 95/2000, með síðari breytingum (lenging fæðingarorlofs). Þingskjal
529 - 393. mál.
Félagsráðgjafafélag Íslands þakkar tækifærið til að gefa umsögn um frumvarp til laga um
breytingu á lögum um fæðingar- og foreldraorlof, nr. 95/2000, með síðari breytingum (lenging
fæðingarorlofs). Fagnar Félagsráðgjafafélag Íslands framlögðu frumvarpi en lenging
fæðingarorlofs úr níu mánuðum í tó lf er löngu tímabær í því skyni að tryggja börnum umönnun
foreldra á þessu viðkvæma tímabili í lífi þeirra. Þá er þetta mikilvægt skref í þá átt að auðvelda
foreldrum að samræma fjölskyldu- og atvinnulíf.
Lenging fæðingarorlofs úr níu mánuðum í tó lf styður við heilbrigð tilfinningatengsl foreldra og
barna og leggur þannig grunn að velferð barnsins í bráð og lengd. Í ljósi mikilvægi
tilfinningatengsla foreldra og barna fyrir þroska og sálfélagslega heilsu barna telur félagið brýnt
við heildarendurskoðun laga um fæðingar- og foreldraorlof að lögin endurspegli rétt barns til
umönnunar foreldra á þessu viðkvæma tímabili ekki síður en rétt foreldra á vinnumarkaði.
Félagsráðgjafafélag Íslands vekur athygli á mikilvægi þess að auka félags- og fjölskylduráðgjöf
við foreldra á meðgöngu og á fyrstu ævimánuðum barns til tryggja enn frekar að öll börn eigi
þess kost að njóta umönnunar beggja foreldra. Rík hefð er fyrir áherslu á rétt barna til
umönnunar beggja foreldra en um hana er einnig kveðið í barnalögum og þingsályktun um
fjölskyldustefnu. Til dæmis er mikilvægt að efla foreldrasamstarf og samband foreldra sem ekki
deila lögheimili svo tryggt sé að barnið njóti umönnunar beggja foreldra á fyrstu æviárum.
Einnig þarf að tryggja góða fræðslu til allra foreldra, en ekki síst foreldra sem ekki deila
lögheimili, um réttindi þeirra og skyldur við barn sitt. Slík þjónusta er nauðsynleg í ljósi
mikilvægis tengslamyndunar foreldra og barna fyrir líkamlega- og sálfélagslega heilsu barna
og því þarf að tryggja foreldrum aðgang að ráðgjöf og stuðningi á meðgöngu og eftir fæðingu
barns til að auðvelda þeim að standa saman að umönnun barns.
Félagsráðgjafar eru ein þeirra lykilfagstétta sem styðja við börn og foreldra frá meðgöngu og
fyrstu árin en rannsóknir hafa sýnt að fyrsti 1001 dagurinn í æviskeiði barna leggur grunnin að
velferð einstaklinga ævina á enda. Félagsráðgjafar vinna með fólki á viðkvæmum tímabilum
lífsins og eru sérfræðingar í því að meta félagslega stöðu með heildarsýn að leiðarljósi og leita
leiða til þess að tengja saman þjónustukerfi.
Félagsráðgjafafélag Íslands er tilbúið að fylgja athugasemdum sínum eftir sé þess óskað.
Með vinsemd og virðingu,
f.h. stjórnar Félagsráðgjafafélags Íslands
Steinunn Bergmann, formaður
Félagsráðgjafafélag Islands
Borgartún 6, 105 Reykjavík - Sími: 595 5151 - felagsradgjof@felagsradgjof.is - www.felagsradgjof.is - Kt. 430775-0229
mailto:nefndasvi%c3%83%c2%b0@althingi.is
mailto:felagsradgjof@felagsradgjof.is
http://www.felagsradgjof.is