Umsögn um 891. mál á 149. löggjafarþingi
Nefndasvið Alþingis
Austurstræti 8-10
150 Reykjavík
H agsm unasam tök
Heimilanna
6. júní 2019
Efni: Umsögn Hagsmunasamtaka heimilanna um 891. mál á 149. löggjafarþingi
Skyldutrygging lífeyrisréttinda og starfsemi lífeyrissjóða (nýting séreignarsparnaðar)
Með frumvarpi þessu er lagt til að heimild til skattfrjálsrar nýtingar séreignarsparnaðar til öflunar á
íbúðarhúsnæði til eigin nota eða hraðari niðurgreiðslu húsnæðislána, verði framlengd um 2 ár eða til
30. júní 2021. Þá er vísað til þess í greinargerð með frumvarpinu að það sé liður í aðgerðaráætlun
ríkisstjórnarinnar í húsnæðismálum í tengslum við nýgerða kjarasamninga á vinnumarkaði. Auk þessa
frumvarps hefur legið fyrir sambærilegt þingmannafrumvarp, þar sem er lagt til að þessi úrræði verði
framlengd um 3 ár (þskj. 981 - 583. mál 149. löggj.).
Hagsmunasamtök heimilanna eru hlynnt því að umrædd úrræði verði framlengd og leggja því til að
síðarnefnda frumvarpið verði samþykkt. Enn fremur leggja samtökin til að um leið verði sá tími
nýttur til þess að taka fyrirkomulag og útfærslu þeirra úrræða til nánari skoðunar. Þar á meðal verði
kannaðir möguleikar á að rýmka heimildir einstaklinga til að ákveða sjálfir að hve miklu leyti
lífeyrissparnaður þeirra verði fjárfestur í eigin íbúðarhúsnæði, að sá hluti húsnæðis sem þannig er
fjármagnaður verði ekki aðfararhæfur frekar en samsvarandi lífeyriseign yrði, ásamt því að ráðist
verði í stefnumótun með því markmiði að slík úrræði verði ekki tímabundin heldur varanleg.
- o -
Virðingarfyllst,
f.h. Hagsmunasamtaka heimilanna,
Ásthildur Lóa Þórsdóttir, formadur@heimilin.is Guðmundur Ásgeirsson, erindreki@heimilin.is
Hagsmunasamtök heimilanna • Ármúla 5 • 108 Reykjavík • kt. 520209-2120 • heimilin@heimilin.is • www.heimilin.is
http://www.althingi.is/
http://www.heimilin.is/
https://www.althingi.is/thingstorf/thingmalalistar-eftir-thingum/ferill/?ltg=149&mnr=891
https://www.althingi.is/altext/149/s/0981.html
http://www.heimilin.is/
mailto:formadur@heimilin.is
mailto:erindreki@heimilin.is
mailto:heimilin@heimilin.is
http://www.heimilin.is