Háskólinn
á Akureyri
Univers i ty
o f Akureyri
Akureyri, 16. apríl 2019
Efni: Umsögn um frumvarp til nýrra laga um menntun og ráðningu kennara og
skólastjórnenda við leikskóla, grunnskóla og framhaldsskóla, 801 mál
Meginmarkmið frumvarpsins er mikilvægt, þ.e. að stuðla að sameiginlegri sýn á kennarastarfið
og að skilgreina sérstöðu þess. Eins að líta til hæfni í starfi og meta mismunandi leiðir til að ná
þeirri hæfni. Viðmið um hæfni geta vissulega verið leið til að skilgreina starfsþróun kennara og
fá sameiginlega sýn á hana. Það þarf hins vegar að huga vel að því hvernig eigi að meta aukna
eða breytta sárhæfingu (starfsþróun) til kennslu á öðru skólastigi en upphaflega sérhæfingin
sagði til um. Sérstaklega verður að huga að því að sérhæfing ákveðinna skólastiga verði ekki
undir en það er ákveðin hætta á því, sérstaklega hvað leikskólann varðar, þar sem
starfsumhverfi og starfsaðstæður leikskólakennara eru töluvert frábrugðnar öðrum
skólastigum.
Kennaranámið sjálft byggist á ECTS einingum (Bologna) með tilgreindum hæfniviðmiðum sem
eiga að tryggja að lágmarkshæfni sé til staðar. Ekki er ástæða til að breyta því kerfi. Með því
væri verið að gjaldfella þau viðmið og hefði það í för með sér aukna miðstýringu
eftirlitsstofnana sem getur verið varhugavert og vandmeðfarið.
Mikilvægt er að háskólum/kennaramenntunarstofnunum sem uppfylla gæðaviðmið sé treyst til
að uppfylla skilyrði menntunarinnar. Eins er mikilvægt að treysta fagmennsku skólastjórnenda
til að meta hæfni kennara til starfa.
Ef stofnað verður svo kallað kennararáð er nauðsynlegt að skilgreina hlutverk þess mjög vel.
Mat á sérhæfðri hæfni byggist væntanlega á einingum úr háskóla, að loknum
námskeiðum/einingum. Ef meta á annað; hvernig á að fara að því og hvaða aðilar eru til þess
bærir?
Hvert er vægi sérhæfðu hæfninnar þegar kemur að ráðningu (ef aðili hefur sérhæfinguna en
ekki almennu menntunina)? Hvað gerist þá?
Hvað verður um þá sem eru nú þegar með leyfisbréf?
Spurningar:
Noröurslóð 2 600 Akureyri 46 0 8 0 0 0 unak@unak.is www.unak.is
mailto:unak@unak.is
http://www.unak.is