Nefndasvið Alþingis
b.t. Efnahags- og viðskiptanefnd Alþingis
nefndasvið@althingi.is
Reykjavík 14. maí 2019
Efni: Frumvarp til breytinga á almennum hegningarlögum o.fl. (misnotkun á félagaformi,
hæfisskilyrði) vegna a. liður 1. mgr. 1. gr. frumvarpsins .
Samtök atvinnulífsins og Alþýðusamband Íslands („samtökin“) skiluðu sameiginlegri umsögn
um frumvarp til breytinga á almennum hegningarlögum o.fl. (misnotkun á félagaformi,
hæfisskilyrði) 17. apríl 2019. Á fundi með Efnahags- og viðskiptanefnd 8. maí sl. var óskað
eftir því að samtökin skiluðu frá sér skriflegum viðbrögðum um þær athugasemdir sem
Skattrannsóknarstjóri ríkisins gerir við a. lið 1. mgr. 1. gr. sama frumvarps.
Samtökin taka undir með skattrannsóknarstjóra að mikilvægt sé að gera greinarmun annars
vegar á þeim hluta lífeyrissjóðsiðgjalda sem atvinnurekanda ber að halda eftir fyrir launþega og
skila til viðkomandi lífeyrissjóðs og hins vegar mótframlagi atvinnurekanda. Í fyrrnefnda
tilvikinu er atvinnurekandi í hlutverki vörsluaðila. Lögð eru refsiviðurlög við meiri háttar
vörsluskattsbrotum sem framin eru af ásetningi eða stórfelldu gáleysi í 262. gr. almennra
hegningarlaga. Eðlilegt er að mati samtakanna að sömu refsiviðurlög liggi við meiri háttar
lífeyrissjóðsiðgjaldabrotum þar sem atvinnurekandi er í hlutverki vörsluaðila. Samtökin taka þó
undir með skattrannsóknarstjóra að sömu rök eigi ekki við þann hluta lífeyrissjóðsiðgjalda sem
atvinnurekandi ber sjálfur að standa straum af.
Í ljósi framangreinds leggja samtökin til að a. lið 1. mgr. 1. gr. frumvarpsins verði breytt og
hann orðist svo:
a. Á eftir orðinu „tryggingagjald“ í 1. mgr. kemur: gegn 3. mgr. 7. gr. laga um
skyldutryggingu lífeyrisréttinda og starfsemi lífeyrissjóða vegna iðgjaldshluta
launþega.
Virðingarfyllst,
F.h. Samtaka atvinnulífsins F.h. Alþýðusambands Íslands
mailto:nefndasvi%c3%83%c2%b0@althingi.is