l ln
Hagstofa íslands
Alþingi
Efnahags- og viðskiptanefnd
101 Reykjavík
Umsögn um frumvarp til laga um Seðlabanka Íslands,
790. mál.
Hagstofa Íslands gerði í samráðsferli frumvarpsins athugasemdir
við, að ekki væri í frumvarpinu gerð nógu skýr aðgreining á gögnum sem
ætluð eru til hagskýrslugerðar bankans og gögnum sem aflað er vegna
annarra verkefna Seðlabankans, svo sem vegna eftirlits. Kæmi það í veg
fyrir að Hagstofan gæti afhent bankanum örgögn til hagskýrslugerðar sem
eru rekjanleg með beinum eða óbeinum hætti til einstaklinga eða
fyrirtækja. Farið var yfir málið á fundi með fulltrúum forsætisráðuneytis,
fjármála- og efnahagsráðuneytis, Seðlabanka Íslands og Hagstofunnar.
Niðurstaða fundarins var að fulltrúar Seðlabankans töldu ekki þörf á að fá
slík gögn afhent frá Hagstofunni vegna hagskýrslugerðar sinnar, eins og
rakið er á bls. 41 í greinargerð með núverandi frumvarpi. A f þeim sökum
mun standa óbreytt sú framkvæmd undanfarinna ára, að Hagstofan
afhendir Seðlabankanum ekki slík gögn. Hagstofan gerir því ekki
athugasemdir við efni frumvarpsins.