samband
íslenskra
framhaldsskólanema
Efnahags- og viðskiptanefnd Alþingis
Austurstrœti 8-10
150 Reykjavík
Reykjavík, 11. maí.
Umsögn SÍF um frumvarp til laga um félög til almannaheilla, 785. mál
Samband Íslenskra Framhaldsskólanema fékk ekki málið sent til umsagnar og furðar
framkvæmdastjórn félagsins á því. Bendir SÍF á mikilvægi þess að hagsmunaaðilum sé gefinn kostur
á að veita umsögn um þau mál er þá varðar enda alla jafna sérfræðingar á sínu sviði.
Samband íslenskra framhaldsskólanema er að öllu leyti stýrt af framhaldsskólanemendum sem eðli
málsins samkvæmt eru að meiri hluta yngri en 18 ára, einkum eftir styttingu náms til stúdentsprófs. Í
19.gr. frumvarpsins er kveðið á um að stjórnarmenn og framkvæmdastjóri skulu vera lögráða. Slíkt
hefði afar íþyngjandi og hamlandi áhrif á starfsemi félagsins en í gegnum tíðina hafa stjórnarmeðlimir
margir hverjir verið yngri en 18 þegar þeir voru kosnir á árlegu aðalþingi, þar með talið núverandi
formaður sem var 16 ára þegar hún var kosin í embætti. Verði óbreytt frumvarp að lögum hefði það í
för með sér að rúmlega helmingur nemenda gæti ekki boðið sig fram í framkvæmdarstjórn, bakslag
yrði í réttindabaráttu ungs fólks og umtalsverð neikvæð áhrif á ungmennafélög almennt. Að mati SÍF
fer þetta gegn ungmennum og nemendum sem vilja hafa áhrif í samfélaginu. SÍF tekur undir umsögn
Landssambands ungmennafélaga þar sem segir að frumvarpið brjóti í bága við Barnasáttmála
Sameinuðu Þjóðana.
Einnig tekur SÍF undir umsögn LUF þar sem bent er á að félög geta verið afar mismunandi, sum hver
stunda atvinnurekstur, en önnur vinna að hagsmunamálum, ekki sé hægt að gera sömu kröfur til
stjórnarsetu þeirra .
Nýlega ávarpaði flutningsmaður frumvarpsins, dómsmálaráðherra og ráðherra ferðamála, nýsköpunar
og iðnaðar ráðstefnuna „Ungt fólk og lýðræði” þar sem kom fram að hún er yngsti kvenkyns ráðherra
í sögu landsins, og hvatti hún jafnframt ungt fólk til þess að hafa áhrif í samfélaginu . SÍF tekur undir
orð hennar, en telur það furðu sæta að ráðherra sem þannig talar vilji meina ungmennum yngri en 18
ára að stjórnum frjálsra félagasamtaka. .
Þá telur SÍF mikilvægt að einnig komið sé á skilvirku kerfi til að ákvarða framlög ríksins til frjálsra
félagasamtaka, svo sem eftir fjölda félagsmanna, kynja-og jafnréttissjónarmiða, fjölda viðburða og
öðru, en að framlagið sé ekki hentisemisákvörðun hvers og eins ráðherra frá ári til árs.
Framkvæmdastjórn SÍF óskar eftir því að fá boð á nefndarfund þegar málið verður tekið fyrirverður
tekið fyrir inn í nefnd.
Virðingarfyllst f.h. framkvæmdarstjórnar SÍF,
Gunnhildur Fríða Hallgrímsdóttir, formaður
gunnhildur@neminn.is
s:820-6062
Samband íslenskra framhaldsskólanema
The Icelandic Upper Secondary School Student Union
Rafstöðvarvegur 7-9, 110, Reykjavík, Iceland
(+354) 551-4410 / neminn.is / neminn@neminn.is
www.facebook.com/framhaldsskolanemar
https://www.umfi.is/utgafa/frettasafn/mikilvaegt-ad-fylgja-innsaeinu-og-trua-a-sjalfan-sig-segir-radherra/
mailto:gunnhildur@neminn.is
http://neminn.is/
mailto:neminn@neminn.is
http://www.facebook.com/framhaldsskolanemar