Góðan dag
Í frumvarpinu er í 12. gr. fjallað um gjaldtöku Þjóðskrár og í 19. gr. gjaldfrelsi, eða meint gjaldfrelsi.
Skýra þarf betur hvað í þessu felst t.d. fyrir aðra ríkisaðila s.s. sýslumenn.
Í 12. gr. frv. segir: „Þjóðskrá er heimilt að taka gjald samkvæmt ákvæði þessu samkvæmt gjaldskrá
stofnunarinnar."
Sýslumenn afhenda ÞÍ mikið magn upplýsinga um breytta stöðu fólks, þ.e. forsjá, lögheimili, faðerni,
skilnaði, sambúðarslit og eftir atvikum breytt lögheimili í tengslum við þessa gjörninga. Afhending
sýslumanna til ÞÍ er án endurgjalds.
Málakerfi sýslumanna þarf að styðja þessar aðgerðir og þarf þannig að leggja fjármagn í
framkvæmdina. Það þarf að vera á hreinu að sýslumennn þurfi ekki að greiða fyrir breytingar á sínum
málakerfum svo þau uppfylli óskir Þjóðskrár sbr. 7. gr. frv.
Einnig er í þessu sambandi vert að athuga að í hvert skipti sem mál er stofnað í málaskrá sýslumanna
fer í raun fram uppfletting í þjóðskrá og sóttar þangað upplýsingar. Ekki verður ráðið af texta
frumvarpsins hvort breytingin muni leiða til frekari fjárútláta fyrir sýslumenn að þessu leyti.
19. gr. frumvarpsins er nokkuð mótsagnakennd. Það er frálett að gera ráð fyrir því að ÞÍ geti
innheimt gjald fyrir að skrá í Þjóðskrá upplýsingar sem stafa frá stofnun sem nýtur gjaldfrelsis.
Kveðja
Þórólfur Halldórsson
Sýslumaður
thorolfur@syslumenn.is
Sýslumaðurinn á höfuðborgarsvæðinu
Hlíðasmári 1, 201 Kópavogur
Sími: (+354) 458 2000
www.syslumenn.is
mailto:thorolfur@syslumenn.is
http://www.syslumenn.is/