Málaskrá FJR GoPro - Lookup Documents By GPUNID
Fjármála- og
efnahagsráðuneytið
M i n n i s b l a ð
Viðtakandi: Efnahags- og viðskiptanefnd
Sendandi: Skrifstofa fjármálamarkaðar.
Dagsetning: 14.05.2019
Málsnúmer: FJR19011067
Bréfalykill: 3.7
Efni: Athugasemdir fjármála- og efnahagsráðuneytisins vegna umsagna við
frumvarp til laga um breytingu á lögum um vátryggingasamninga
(upplýsingagjöf).
I. Inngangur
Í minnisblaði þessu eru athugasemdir fjármála- og efnahagsráðuneytisins vegna athugasemda
sem efnahags- og viðskiptanefnd hafa borist frá Samtökum Fjármálafyrirtækja, dags. 15. apríl
2019 og Fjármálaeftirlitinu, dags. 17. apríl 2019, vegna frumvarps til laga um breytingu á
lögum um vátryggingarsamninga (þskj. 1214 - 763. mál).
II. Tilefni lagasetningar
Með frumvarpinu er lagt til að lögum um vátryggingarsamninga verði breytt. Vísað er í
almennar athugasemdir frumvarpsins varðandi tilefni og nauðsyn lagabreytinganna og
samantektar á meginefnis frumvarpsins.
III. Athugasemdir fjármála- og efnahagsráðuneytisins.
10. gi. frumvarpsins.
Í greininni er lagt til að 4. mgr. 9. gr. verði svohljóðandi:
Fjármálaeftirlitið getur sett regiur um mat og eftirlit þegar vátrygging er seld með vöru
eða þjónustu sem hluti a f pakka eða í sama samningi. I tilvikum sem um getur í 1. og
3. mgr. skal dreifingaraðili greina þarfir vátryggingartaka vegna vátrygginga sem eru
hluti a f pakka eða í sama samningi.
Í umsögn Fjármálaeftirlitsins er bent á að reglur sem Fjármálaeftirlitið geti sett samkvæmt
ákvæðinu byggist á viðmiðunarreglum Evrópsku vátrygginga- og
lífeyrissjóðaeftirlitsstofnunarinnar (EIOPA). Fjármálaeftirlitið taki venjulega slíkar
viðmiðunarreglur upp með dreifibréf og slóð á ensku útgáfu þeirra á heimasíðu sinni en ekki
með reglum og því sé regluheimildin óþörf. Með vísan til framangreindra skýringa hefur
ráðuneytið ekki athugasemdir við að 1. málsl. 4. mgr. 9. gr. frumvarpsins falli brott.
32. gt. frumvarpsins.
Í 32. gr. frumvarpinu er lagt til að gildistaka frumvarpsins verði 1. ágúst 2019.
Í umsögn Samtaka fjármálafyrirtækja er tekið fram að frestur til gildistöku frumvarpsins sé
skammur í ljósi þess að hann muni lenda á sumarleyfistíma starfsmanna vátryggingafélaga.
Einnig kemur fram að í frumvarpinu séu umfangsmiklar breytingar á lagaumhverfi um
dreifingu vátrygginga sem kalli á undirbúning hjá vátryggingafélögunum, meðal annars að
breyta skilmálum vátryggingarsamninga. Því sé nauðsynlegt að nægur tími sé gefin fyrir þá
sem falli undir frumvarpið að aðlaga sig að breyttu lagaumhverfi. Samtök fjármálafyrirtækja
leggja því til að lengja frest til gildistöku frumvarpsins þannig að það taki gildi 1. október
2019.
Með frumvarpinu er hluti af tilskipun 2016/97/ESB innleidd. Tilskipunin var tekin upp í
EES-samninginn 26. október 2018 með ákvörðun sameiginlegu EES-nefndarinnar nr.
214/2018 sem var samþykkt á Alþingi 2. apríl 2019 með þingsályktun nr. 14/2019. Þeir aðilar
sem falla undir frumvarpið hafa verið upplýstir um að frumvarpið yrði lagt fram á
yfirstandandi löggjafarþingi og fulltrúi frá Samtökum fjármálafyrirtækja var í nefnd sem kom
að því að semja frumvarpið.
Þar sem búið er að taka tilskipunina upp í EES-samninginn telur ráðuneytið heppilegast að
frumvarpið taki gildi sem fyrst til að standa við skuldbindingar samkvæmt EES-samningnum.
Ráðuneytið lagði til í frumvarpinu að gildistaka þess yrði 1. ágúst nk. svo aðilar á markaði
hefðu ákveðin aðlögunartíma og telur með vísan til umsagnar Fjármálaeftirlitsins ekki
heppilegt að fresta gildistöku frumvarpsins frekar. Ráðuneytið tekur því ekki tillögur um að
fresta gildistöku frumvarpsins.