Nefndasvið Alþingis
Austurstræti 8-10
150 Reykjavík
H agsm unasam tök
Heimilanna
13. júní 2019
Efni: Umsögn Hagsmunasamtaka heimilanna um 492. mál á 149. löggjafarþingi
Tekjuskattur (félög undanskilin fjármagnstekjuskatti)
Með frumvarpi þessu er lagt til að félög sem eingöngu eru rekin til almannaheilla og eru undanskilin
tekjuskatti verði einnig undanskilin fjármagnstekjuskatti. Hagsmunasamtök heimilanna falla undir þá
skilgreiningu enda eru þau aðeins rekin til almannaheilla en ekki í hagnaðarskyni.
Svo dæmi sé tekið var ársvelta samtakanna á síðustu árum á bilinu 10-15 milljónir króna, samkvæmt
ársreikningum sem eru birtir opinberlega. Árið 2017 námu fjármagnstekjur umfram fjármagnsgjöld
313.425 krónum en álagður fjármagnstekjuskattur 65.755 krónum. Þó að þetta virðist ekki vera háar
fjárhæðir verður að hafa í huga að starfsemin er að mestu fjármögnuð með félagsgjöldum og
frjálsum framlögum og byggist að mjög miklu leyti á sjálfboðaliðastörfum, en launuð störf hjá
samtökunum nema aðeins um 0,8 stöðugildum á ársgrundvelli.
Með hliðsjón af framangreindu eru samtökin hlynnt því markmiði að félög sem eingöngu eru rekin til
almannaheilla verði undanþegin fjármagnstekjuskatti og styðja því að frumvarpið verði samþykkt.
- o -
Virðingarfyllst,
f.h. Hagsmunasamtaka heimilanna,
Ásthildur Lóa Þórsdóttir, formadur@heimilin.is Guðmundur Ásgeirsson, erindreki@heimilin.is
Hagsmunasamtök heimilanna • Ármúla 5 • 108 Reykjavík • kt. 520209-2120 • heimilin@heimilin.is • www.heimilin.is
http://www.althingi.is/
http://www.heimilin.is/
https://www.althingi.is/thingstorf/thingmalalistar-eftir-thingum/ferill/?ltg=149&mnr=492
http://www.heimilin.is/
mailto:formadur@heimilin.is
mailto:erindreki@heimilin.is
mailto:heimilin@heimilin.is
http://www.heimilin.is