Umsögn um 140. mál á 149. löggjafarþingi
Nefndasvið Alþingis
Austurstræti 8-10
150 Reykjavík
13. júní 2019
Efni: Umsögn Hagsmunasamtaka heimilanna um 140. mál á 149. löggjafarþingi
Húsnæðisbætur (réttur námsmanna og fatlaðs fólks)
Með frumvarpi þessu er lagt til réttur fatlaðs fólks og námsmanna til húsnæðisbóta verði rýmkaður,
þannig að hann nái til leigu í samnýttu húsnæði óháð tegund þess húsnæðis.
Afstaða Hagsmunasamtaka heimilanna til húsnæðisbóta er sú að almennt séu þær óæskilegar þar
sem hverskonar niðurgreiðslur hafa tilhneigingu til að hamla eðlilegri verðmyndun og eru fremur til
þess fallnar að viðhalda hærra verði en ella. Húsnæðisbætur eru fjármagnaðar af almenningi sjálfum
með skattgreiðslum og því getur enginn þjóðhagslegur ávinningur orðið af þeim á heildina litið. Slíku
markmiði er aðeins hægt að ná með því að lækka sjálfan húsnæðiskostnaðinn.
Á hinn bóginn er ljóst að opinber húsnæðisstuðningur, svo sem í formi húsnæðisbóta, getur verið
nauðsynlegur fyrir ákveðna hópa sem án hans gætu ekki staðið undir húsnæðiskostnaði, til dæmis
vegna lágra ráðstöfunartekna eða sérstakra félagslegra aðstæðna. Þetta getur meðal annars átt við
um einmitt þá hópa sem frumvarpi þessu er ætlað að ná til þ.e. fatlaðs fólks og námsmanna sem ekki
geta nýtt sér þau búsetuúrræði sem gert er ráð fyrir í núgildandi lögum um húsnæðisbætur. Af þeirri
ástæðu eru Hagsmunasamtök heimilanna fylgjandi því að frumvarpið verði samþykkt.
Samband íslenskra sveitarfélaga og Íbúðalánasjóður hafa í umsögnum sínum um frumvarp þetta gert
athugasemdir um að leggja þurfi mat á kostnað við þá rýmkun húsnæðisbóta sem lög er til. Þar sem
um er að ræða þingmannafrumvarp fylgir slíkt kostnaðarmat ekki með því. Af þessu tilefni má vekja
athygli á þeim möguleika að óska slíkra upplýsinga með fyrirspurn til ráðherra, eða eftir atvikum með
beiðni níu þingmanna um skýrslu, samkvæmt ákvæðum laga um þingsköp.
- o -
Virðingarfyllst,
f.h. Hagsmunasamtaka heimilanna,
i&viiur
Ásthildur Lóa Þórsdóttir, formadur@heimilin.is Guðmundur Ásgeirsson, erindreki@heimilin.is
Hagsmunasamtök heimilanna • Ármúla 5 • 108 Reykjavík • kt. 520209-2120 • heimilin@heimilin.is • www.heimilin.is
http://www.althingi.is/
http://www.heimilin.is/
https://www.althingi.is/thingstorf/thingmalalistar-eftir-thingum/ferill/?ltg=149&mnr=140
http://www.heimilin.is/
mailto:formadur@heimilin.is
mailto:erindreki@heimilin.is
mailto:heimilin@heimilin.is
http://www.heimilin.is